Koichiro Zamma vakna ein dag på 90-tallet i tretoppane i skogen i Afrika. Og han tenkte at han no endeleg hadde fått seg ei perfekt natts søvn, skriv den engelske avisa Guardian.
Han hadde ikkje med seg ei dyne og ei pute opp i treeet, men låg på ei seng av greiner og blader – ei sjimpanseseng.
– Senga fjerna all spenning frå musklane mine på ein måte som vanlege senger ikkje gjer, hevdar han.
Sirka 20 år seinare har forskaren ved Kyoto universitet laga ei sjimpanseseng tilpassa oss menneske. (Du kan sjå bilete av ho rett under her)
Senga er inspirert av sjimpansanes seng, og som du kan sjå på bilete er ho ganske annleis frå den senga du har heime på soverommet.
-Sjimpansesenger er laga for å omslutta kroppen. Det er derfor senga er så komfortabel, seier den 43 år gamle primatologen, ifølgje Guardian.
Han viser og til at senga er i tretoppane og dermed svingar seg, nesten som ei baby-krybbe.
Senga er berre 1,6 meter long, og det høyres kort ut, til og med for relativt småvokste japanarar. Men forskaren meiner det ikkje vil vera noko problem, fordi også sjimpansar søv med føtene utanfor senga.
Målet er no å selja denne senga på den private marknaden.
Rett under kan du sjå ein video av ein sjimpanse som lagar ei seng.
Diskuter gjerne i kommentarfeltet – vil du kjøpa ei sjimpanseseng om du får høvet?
Ape.no 
Kan vi ikke få en video der journalisten demonstrerer hvordan ape-senga fungerer?
I tillegg til en enukes test av en ape-seng selvsagt.
LikarLikar